İnsan orqanizminə Günəş enerjisini, vitaminləri, duzları və digər faydalı elementləri daşıyan, bununla da sağlamlığın qorunmasına xidmət edən birinci əsas qida meyvələrdisə, ikincisi tərəvəzlərdir. Meyvə və tərəvəz orqanizmə vitaminlər və duzlarla bərabər, həm də oksigen,su və Günəş enerjisi də daşıyır. Bunu nə ət-yağ edə bilir, nə un məmulatları, nə də şirniyyat. Onlar orqanizmə yalnız zülal, şəkər və nişasta daşıyır. Halbuki meyvələrin və tərəvəzin tərkibində həm də təbii yağlar, təbii nişasta, şəkər (fruktoza) kifayət qədərdir. Elə buna görə də yağlı ət, lazımsız yağlar, un məmulatları, şirniyyat yeyən adamlar daha çox xəstələnirlər. Meyvə-tərəvəz yeyən insanlar isə uzun ömür sürürlər.

Renglerine göre xüsusiyyetlerinden qısa olaraq danışım.

Ağ rəngli meyvə tərəvəzlər
Bu meyvə-tərəvəzlərdə alisin maddəsi bol miqdarda olur. Sarımsaqda isə daha çoxdur. Sarımsağa qoxusunu verən də bu maddədir. Soğanın da tərkibində bol miqdarda olan alisin infeksiyalara öldürücü təsir göstərir. İmmunitet sistemini gücləndirməyə qadir olan ağ rəngli qidalar əsasən turp, sarımsaq, göbələk, soğan və kərəvizdir.

Yaşıl meyvə və tərəvəzlər
Bunların tərkibində lutein maddəsi olur. Bu maddə əslində sarı rəngli olsa da, xlorofil maddəsi ilə birləşərək göyərtiyə yaşıl rəng verir. Güclü bir antioksidant olan lutein hüceyrələri qoruyur. Qaraciyər üçün də faydalı olan bu maddə əsasən boranı, kivi, xiyar, ispanaq, paxla, brokoli və kələmdə bol miqdarda olur. Yaşıl rəngli meyvə və tərəvəzlər xərçəng və infarkt riskini azaldır.

Bu qidalar doğum əsnasında meydana gələ biləcək qüsurlara maneə törədir. Yaşıl rəngli meyvə və tərəvəzlərin bir digər faydası isə qırmızı qan hüceyrələrinin, dişlərin və sümüklərin güclənməsinə müsbət təsir göstərmələri və immunitet sistemini qüvvətləndirmələridir.

Göyərti və meyvələrə rəng verən maddələr sağlamlığa da təsir edir. Meyvələrin tərkibindəki formsante, beta karoten, lutein, alisin kimi maddələr onlara rəng vermək xüsusiyyətinə malikdirlər. Bu maddələrin sağlamlığınıza faydalarını bilsəniz, üstünlük verməli olduğunuz meyvələri də asanlıqla seçəcəksiniz.

MƏNBƏ: Ayli Qulamova